Tek…kek…., tokk, tok…tokk… tok…tokkeekkk

Tek…kek…., tokk, tok…tokk… tok…tokkeekkk…. Co itulah bunyi tokek nan tadanga di rumah si Upiek Bijak. Antahlah….. bana atau indak bunyi tokek sarupo itu, nan jaleh suaro binatang gapuak nan marayok acok tadanga dirumah we e. “Hoi … ijan mamakak juo lai… alah den etong untuang jo rugi den mah… kato Upiek Bijak basuaro.180px-tokay_gecko

Baitulah nan tajadi katiko suaro tokek badarang di ateh rumahnyo, langsuang pulo we e manyabuik sarupo iko : “tokkkeekkk…!!! untuang…..jawek upiek bijak
“tek.. tek tokk.. tokkekkkk…!! rugi.. solo nyo pulo. Sataruihnyo .. kato untuang jo rugi… ko, alah manjadi biaso tadanga dirumah si Upiek Bijak.

Mamakak dimalam hari, suaro binatang gapuak malata ko, acok mambuek Upiek Bijak nan sadang barasian di malam-malam nyo lalok – tagaduah dek ulah binatang ko…. Manggigaulah si Upiek bijak sambia nyo taruih an barasian indahnyo…

“Mamakak se waang mah… !! katonyo. “Eh.. waang… sabuik Upiek bijak ka tokek tuh. Antah darima pulo si Upiek bijak ko tau, bahaso tokek nan manggaduah nyo lalok tuh padusi atau laki-laki. Ooo.. mungkin dek si Upiek bijak kok padusi.. tantu se lah inyo maraso digoda dek laki-laki.. ndak…???? “ Ha… ha…ha..

Baitulah… tokek ko.. sabana bana binatang nan manjiji’an. Bahkan ado nan mangiro, bilo dirumah ado binatang nan malato ko, ba arti ado makhluk haluih atau jin nan manghuni rumah tuh. Kalau co itu… ba arti .. tokek ko.. sadang basa sapo an jo jin.. mah.. itulah jawek si Upiek Bijak, ka urang urang nan bapandapek bahaso dirumah si Upiek Bijak ado lo .. makhluk haluih tuh.

Takana pulo dek si Upiek bijak, soal hantu jo jin, ado urang nan mangatoan, jin bisa datang ka rumah awak dengan caro malata’ an diateh meja – sa ciek kapitiang nan alah dikabek. Sudah tuh.. agieh pulo kaco dakeknyo. sabanta kudian akan datang makhluk haluih nan banamo “tuyul”. Si Tuyul ko, akan ma anggap kapitiang jo kaco tuh mainannyo.. Itu carito nan didapek si Upiek Bijak dari kawan – kawan saparmainannyo dulu di Betawi . (Eh…kama pulo carito ko ha…) Nan jaleh dek lamo kalamoan Si tokek – alah manjadi anggota keluarga si Upiek Bijak salanjuiknyo.

Ba a tingkah si Tokek di rumah si Upiek bijak ko, katiko ado tamu nan batandang atau lalok di rumahnyo..??. Ondeh sabana elok laku bana tokek ko. Lai… tau diri pulo we e. Ndak babunyi bunyi. Haniang se suaoro nyo. Lai mangarati jo sopan santun pulo. Bahaso inyo indekos di rumah si upiek bijak indak mambayie – tantu harus tau diri ndak..?? . Paliang paliang inyo hantok mandanga kok ado gunjingan – gossip atau rumpi – kecek urang di Betawi sinan nan sadang balangsuang di rumah si Upiek bijak tuh…

Dek lah sahati bana antaro keluarga si Upiek Bijak jo tokek ko, ruponyo manggarik hati Upiek bijak mancari tau – manga tokek ko suko tingga di rumah nyo. Padohal indak sakali juo si Upiek Bijak babaso basi ka Tokek ko untuak maagieh makan saroman kuciang nan suko mancilok lauk diateh meja makannyo. Padohal.. kuciang adolah binatang kasayang Nabi…ndak ?? Tapi baitulah parangai kuciang – dima dima samo saja. Kuciang ko suko datang ma andok andok mancari kasampatan urang lengah. Sudah tuh – capek capek nyo santuang lauk sarato capek-capek nyo tabang hambuih lari kalua manggigik ikan nan nyo cilok. (eh… lai batua ko..)

Akhirnyo pailah si Upiek Bijak mancari tau ka panghulu Gadang – tampek nyo batanyo salamo ko– baa bana kahidupan Tokek tu. Tarnyato lai elok pulo Mamak si Upiek mancaritoan satantang Tokek ko. Iyo sadonyo tau Mamak si Upiek Bijak ko. Mamak si Upiek Bijak ko – lai indak Mamak nan ngingik ngangak do.. sarupa banyak urang nan manjadi ninik mamak .. Haa.. iyo banyak nan tasabuik ngingik ngangak.

Kecek Mamak si Upiek Bijak : “Hei… Upiek .. pailah cari ka Wikipedia Indonesia. Baeko basarobok disinan tuh mah…Aa.. jenis tokek ko.. Kok kurang katarangannyo tolonglah dibantu maagieh katarangan nan lain.
“Jadih.. Mak,
kato si Upiek Bijak.

Kudian ijan takajuik pulo” , kato Mamak e.

Soalnyo tokek ko bapakai pulo istilah “ latin” nyo mah..

“Iyolah .. Mak.. kato si Upiek Bijak ka Mamak nyo tuh.

Alah bakaruik kaniang si Upiek mancari baa nan sabana tokek ko… Dapek penjelasan bahaso tokek acok tingga di pohon – pohon dipekarangan dan dirumah-rumah – baik dikampuang kampuang atau dipinggiran hutan. Suaronyo nan kareh dan khas adolah Gek- koo…. Gek koo…. “Ikolah dasar nan manjadi panyabuik namo tokek ko di berbagai bahaso…. “

“Hemm…hemmm.. Upiek Bijak ma angguak angguak balam dek lah mangarati. Raso panasaran Upiek Bijak alun juo habih. Namun .. Indak paralu batanyo baliek jo Mamaknyo tu doh. Pantang pulo si Upiek Bijak batanyo ba ulang ulang. Sabagai padusi Minang – awak harus santiang. Kini zaman globalisasi mah… Padusi jan hanyo tau urusan dapue se.. “ Caliek pulo lah dunia.. Nak sabandiang kadudukan laki-laki jo padusi”. Kecek Inggirihnyo… complementer. Saliang malangko’i antaro padusi jo laki-laki ko.

Ooooo, ruponyo soal Tokek ko atau istilah ke ren nyo Gek koo, nan di rumah si Upiek Bijak tuh ,, suko mamakan saranggo, cicak, dll. Onde Maak.. inyo bisa pulo makan mancik – binatang yang Allahu Rabbi sangaik sangaik dibanci dek si Upiek Bijak. Sabana phobia si Upiek bijak jo binatang nan namonyo Mancik….. ko Hiiiii… galigaman badannyo kok basobok jo mancik tuh.

Karano itulah – Upiek Bijak maraso ba syukur bana jo tokek nan indekost dirumahnyo. Tokek kan suko mamburu mangsonyo di malam hari. Nan jaleh mancik – rangik – litang pukang – cigin maningga an rumah Upiek Bijak. Nan jadi partanyaan awak kini ko.. manga pulo tokek tuh sanang hati indekos di rumah Si Upiek Bijak..??? Ooo… Ternyato rumah si Upiek Bijak tuh – lataknyo dakek danau nan dinamo an nyo – danau maninjau ketek. Sadonyo binatang banyak nan maronggok di sinan sebagai sumber kehidupan dunia binatang.

Baitulah…. Suaro sahabat si upiek bijak nan banamo tokek.. katiko inyo basuoro “Tek…kek…., tokk, tok…tokk… tok…tokkeekkk….”, indak dibaleh dek si Upiek Bijak jo suaro hariak gadang “ijan mamakak se waang “, tapi kini inyo sambuik jo kato haluih : “Hallo sayang…jangan ribut dong say…????

Satu Tanggapan to “Tek…kek…., tokk, tok…tokk… tok…tokkeekkk”

  1. hahaha,ba a bantuak tokek tu???
    ambo alun pernah mancaliak e lai.
    kato2 urg mirip cacak,tp d cr2 ndak ado basuo doh

    mantap bana carito ko nyo
    klo bs labiah dipanjangan saketek lai
    n klo bs labiah dilucuan bana lo

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: